هل فكرت يوما بالإنتحار ...

*** الانتحار ***

هو الوصول لمرحله يقرر فيها الإنسان الخروج أو الاكتفاء بهذا القدر من الحياة ؟؟

هل هذا التفكير منطقي ؟؟

هل الخروج من الحياة بأقل الخسائر تصرف جيد و شجاع ؟؟

هل فكرة يوماً ما بالانتحار أو هل شرعت يوماً ما بالانتحار ؟؟

ما الذي غير رأيك أو غير قرارك ؟؟

** انتشرت ظاهرة الانتحار في المجتمعات العربية وخوصاً انتحار الفتيات **

هل للعاطفة دور رئيسي في انتحار الفتيات ؟؟

لماذا كلما سمعنا خبر انتحار يبرر بأن المنتحر مريض نفسي هل هي حقيقة

أم مجرد عذر ؟؟

** من عايش موقف أو فكر أو شرع بالانتحار فليرويه لنا مشكوراً **

ورح بلش أنا بالحكي .....منشان شجعكون

ياما فكرت انتحر عنجد .. بس لا تقولو عني مجنوني ... والله احيانا بتوصل معي لدرجة انفجر من البكي وقرر اني اطلع ع السطح بس لما بكون طالعة ع الدرج بيتغير رأيي

بصير فكر بالناس من حولي .. أهلى اصحابي رفقاتي وكل الناس اللي بيعرفوني .. شو موقفهون رح بيكون اذا شافوني ميتة ؟؟ بصير فكر بهموم الناس اللي بعرفها وبمشاكل الدني والله والمسيح وبحالي .. يعني كلشي في افكار بالدني بتمرق فيني وبراسي خلال هالثواني

معي معي ببطل انتحر وبزعل من حالي وبقعد قول انو الحياة لساها قدامي طويلة ولساتني صغيرة ومابيصير فكر هيك ولسا انا شو شفت من الدني ..وهيك بتروح الفكرة من راسي

والله انا من جهتي بحياتي ما فكرت بهيك شي

وبعد انو الانتحار من اكبر الخطايا لان الله عطانا الحياة وهوي بياخدها منا مو نحنا منقرر ايمت منخلص حياتنا

وبعدين شغلتين صغار
1-الحياة حلوة بس نفهمها
2-كبرها بتكبر وصغرها بتصغر

ومشكورة كتير يا mygoo على الموضوع الحلو وانشالله تكوني بطلتي تفكري بالانتحار

مشكور يا زعيم ع المرور الكريم والرد ... بس بتعرف شغلة ؟؟؟ نيالك ما بيخطر عبالك تنتحر

بتمنى من الكل يعطينا رأييو

لا و اللللله و لا انا ما فكرت و لا مرة اني انتحر

لانو متل ما قال الزعيم كبرها بتكبر صغرها بتصغر

بعدين قد ما يياس الواحد من الحياة ما لازم يفكر هيك و انما لازم ينطر الفرج لانو الله ما بيقطع حدا

و كمان يوم ليك و عشرة عليك مش كل يوم معاك

و الف شكر الك يا mygoo لمناقشتك هالموضوع الحساس

افففففففف مكون .... معقول ماحدا فكر ينتحر ؟؟؟ لك مو عنجد عنجد .. يعني عنجدين

يلا ع القليلة انتو عندكون امل كبير بالحياة لسا وبرافو عليكون انا بهنيكون

بس الا ومايمر الانسان بتجربة صعبة تخليه يفكر هيك

مشكور ين